其實有時我覺得DC 都幾慘, 好似只要係DC 就已經係原罪咁, 套套都俾人踩到一文不值
今套JUSTICE LEAGUE 本黎想試吓新的英皇戲院的VIP 院, 但好好彩咁又有首影飛睇, 咁唯有下次先試新戲院了
講真, 你話今套係咪好好呢? 一定冇上次WONDER WOMAN 咁出色
WW 故事簡單, 但人物勾劃出色, 你會見到入面角色的成長, 與及見到究竟怎樣的男人先可以配得起一個女神
DC 電影一直做唔到MARVEL AVENGER 的出色, 我覺得主要有兩個REASON
第一係英雄人物的出場鋪排唔夠, 除咗WW 同SUPERMAN 外, 冇一個人物有一套獨立的電影黎介紹佢出場
就算BATMAN, 雖然一直都有好多BATMAN 的電影, 但他們的電影世界觀都比較獨立, 感覺同今次出場的BEN ALFECK 出演的BATMAN 唔太一樣, 上一集BATMAN VS SUPERMAN 其實我覺得冇出面講咁差, 睇咗DIRECTOR CUT 後有多D情節感覺上好好多, 但對唔熟漫畫的觀眾黎講都係太多資訊同太亂
MARVEL 用咗十幾套電影黎設定自己的世界觀, 但DC 只係用咗幾套, 人物上每個都比較PALE, 哩點係真係比較唔到的了
第二係沒有一個出色的奸角, 我覺得AVENGER 1 成功, AVENGER 2 其實亦沒有多好看, 便是因為第一集有LOKI, 但第二集係ULTRON 的關係, 奸角要出色, 最少給人看到他為何有自己的一套正義, 為什麼他覺得這樣破壞世界是對的
當一個奸角也有自己脆弱及人性的一面, 我覺得會令這套電影加唔少分
今集JUSTICE LEAGUE 的故事簡單, 沒有上次BVS 咁混亂, 但角色都係唔夠深入, 就算點解要令SUPERMAN 復活咁重要的情節, 都只係以幾分鍾的ARGUEMENT 帶過~ 為什麼SUPERMAN 復活這麼必要? 若一定要SUPERMAN 復活先可以對付到壞人, 其實BATMAN 集合一班人的用意沒白費了~ 另外, 上集BATMAN 好似好勁咁, 連SUPERMAN 都FIGHT 到, 但今集好似弱化咗好多~ 當然他是在這班人中唯一沒有POWER 的人類, 但他在沒有POWER 上, 有什麼其他優勢呢? 不要淨係話有錢, 我估可以在戰略或LEADERSHIP 上落下墨吧~
雖然有唔少缺點, 但我覺得套戲係合格的, 最少簡單同畫面出色, 好有打機FEEL, 可能我睇IMAX 3D, 我覺得係好精彩的~ 如果劇本可以加D 深度, 人物勾劃多D, 應該會更加好LOR~